Халықаралық бейтараптық күні мен Түркіменстанның тұрақты бейтараптық режимінің 31 жылдығы қарсаңында Лебап велаятында мәдени шаралар кеңінен өтуде. Соның бірі Түркіменстан Суретшілер одағының велаят филиалында ұйымдастырылған бейнелеу өнерінің көрмесі болды.
Көрмеге Фарап этрап балалар көркемсурет мектебінің мұғалімі Хамида Нәбиева мен оның оқушыларының 200-ден астам жұмыстары қойылды. Түрлі жанрда орындалған туындыларда бейбітшілік, елдік даму, ұлттық құндылықтар, көне салт-дәстүр, табиғат сұлулығы тақырыптары көрініс тапты.
«Бейбітшілік», «Арман», «Бата», «Адасқан жұлдыздар», «Біздің ауылдағы көл», «Зергер Мағтымғұл», «Ана» сияқты туындылар келушілердің ерекше назарын аударады. Бұл туындылар ауыл тіршілігінің сұлулығын, бейбіт өмірдің қуанышын, табиғат байлығын көркем түрде ашады.
Атап айтқанда, «Әлем» картинасында жасыл алқаптарға қанат жайған қарлығаштардың бейнесі арқылы тыныш өмірдің сұлулығы берілген. Ал «Адасқан жұлдыздар» шығармасында ахалтеке жылқыларының образдары арқылы бақыт, махаббат, неке адалдығы идеялары көркем түрде ашылады.







