«Көз карандысыз нейтралдуу Түркмөнстан – максаттуу аттардын өлкөсү» жылынын алкагында Түркмөнстандын жаратылышты коргоо коомунун Лебап велаятындагы бөлүмү «Бак-бактардын байлыгы — бакубат жашоонун түгөнгүс булагы» деген темада практикалык окуу семинарын өткөрдү. Иш-чара Амударыя мамлекеттик жаратылыш коругунун Габаклы участкасында өттү. Бул тууралуу Түркмөнстандын айлана-чөйрөнү коргоо министрлигинин басма сөз кызматы билдирди.

Семинарга Жаратылышты коргоо коомунун велаят белумунун адистери, Амударья мамлекеттик коругунун илимий кызматкерлери, багбандар, Дянев этрапынын жашоочулары жана жаратылышты суйуучулер катышты.

Иш-чаранын жүрүшүндө Түркмөнстанда эгемендүүлүктүн алгачкы жылдарынан бери курчап турган чөйрөнү коргоо, биологиялык ар түрдүүлүктү сактоо, жер-суу ресурстарын сарамжалдуу пайдалануу, ошондой эле экологиялык коопсуздукту камсыздоо жаатында жүргүзүлүп жаткан иштер кеңири талкууланды. Түркмөн элинин улуттук лидери, Түркмөнстандын Элдик Маслахатинин төрагасы Гурбангулы Бердымухамедовдун жана президент Сердар Бердымухамедовдун демилгеси менен ишке ашырылып жаткан экологиялык долбоорлордун мааниси өзгөчө белгиленди.

Семинардын катышуучуларына Амударыя мамлекеттик жаратылыш коругунун жаратылыш өзгөчөлүктөрү, анын аймагында өскөн тураң токойлору, ошондой эле өсүмдүктөр – короо чөптөрү, камыш жана мыя жөнүндө айтып беришти. Коруктун жапайы жаратылышы абдан ар түрдүү экени баса белгиленди: бул жерде канаттуулардын ар кандай түрлөрү менен катар жапайы камандар, бугулар, богок, чөөлөр жана коёндор жашайт. Ошондой эле, сейрек кездешүүчү балык болгон араа балыгы өзгөчө коргоого алынганы айтылды.

Иш-чаранын жүрүшүндө Дянев атындагы этраптын No45 орто мектебинин биология мугалими Марал Батырова сөз сүйлөдү. Ал Бухара кийиктерин коргоо жана алардын санын көбөйтүү боюнча Амударыя мамлекеттик жаратылыш коругунда аткарылып жаткан иштерге токтолду.

Практикалык окуу семинарында катышуучулар коруктардын илимий жана экологиялык мааниси, жаратылыш ресурстарын коргоонун заманбап ыкмалары боюнча пикир алмашышты. Койтендаг жана Репетек мамлекеттик биосфералык коруктарынын ишмердүүлүгү тууралуу маалыматты кеңири жайылтуу менен бирге өсүп келе жаткан муундун жаратылышты сүйүүгө тарбиялоо жана экологиялык маданиятты калыптандыруунун маанилүүлүгүн баса белгилешти.