Туркменистан, Афганистаны хил дээр орших Лебап велаятын Керкин этрапад байрлах Имамназар гаалийн цэгийг сэргээн засварлах барилгын ажлын тендерийг Туркменистаны Барилга, архитектурын яамнаас зарлалаа. Энэ тухай Туркменистан сонин мэдээлэв.
Энэхүү тендер нь хилийн гаалийн боомтын дэд бүтцийг шинэчлэх зорилготой юм. “Имамназар” бол Туркменистан, Афганистаны худалдаа, эдийн засгийн харилцаа, хил дамнасан тээвэр, ложистикийн коридорт чухал ач холбогдолтой байгууламжуудын нэг юм.
Тендерт оролцох хүсэлтэй сонирхогч этгээдийн өргөдөл, саналыг Туркменистаны Барилга, архитектурын яамны Зах зээлийн судалгаа, гадаад эдийн засгийн харилцааны хэлтэст тогтоосон журмаар хүлээн авч, албан ёсоор баталгаажуулна.
Тендерийн баримт бичгийг ирүүлэх эцсийн хугацаа нь 2026 оны 11 дүгээр сарын 24-ний өдөр юм.
Имамназар гаалийн боомтыг сэргээн засварлах нь хилийн дэд бүтцийн чадавхийг сайжруулахаас гадна Туркменистан, Афганистаны худалдаа, тээвэр, логистикийн харилцааг хөгжүүлэхэд тус дөхөм болно.
