Lebap sement zavodida ishlab chiqarish quvvatini oshirishga qaratilgan yangi sex ishga tushirildi. Korxonada amalga oshirilayotgan modernizatsiya ishlari ishlab chiqarish ko‘lamini kengaytirish, qurilish sohasini zarur mahsulotlar bilan ta’minlash imkonini bermoqda.
Yillik ishlab chiqarish quvvati 1 million tonna bo‘lgan zavodning ikkinchi navbati ishga tushirilishi bilan korxonaning umumiy quvvati 2 million tonnaga yetkazildi. Bu yerda portlend tsementining S-400 va S-500 markasi, sulfatga chidamli sement, turli turdagi klinkerlar ishlab chiqarilmoqda.
Korxonada polipropilen qoplar ishlab chiqaradigan yangi sexning foydalanishga topshirilishi ham ishlab chiqarish jarayonlari samaradorligini oshirdi. Mazkur yangi ishlab chiqarish maydonchasi korxona tayyor mahsuloti uchun zarur bo‘lgan qadoqlash materiallarini mustaqil ishlab chiqarish uchun sharoit yaratmoqda.
Lebap sement zavodida ishlab chiqarish quvvatlarining muttasil oshirilayotgani mamlakatimiz qurilish sohasi ehtiyojlarini mahalliy ishlab chiqarish hisobiga to‘liq qondirish va korxonaning iqtisodiy salohiyatini yanada yuksaltirishga xizmat qilmoqda.
