Turkmanistonda aholining ijtimoiy-maishiy sharoitlarini yaxshilash, iqtisodiy o‘sishni ta’minlash, hududlarning transport imkoniyatlarini kengaytirish borasida keng ko‘lamli chora-tadbirlar amalga oshirilmoqda. Bu yo‘nalishda yo‘l-transport infratuzilmasini modernizatsiya qilish, qulay yo‘lovchi tashishni tashkil etishga alohida e’tibor qaratilmoqda.
Mustaqillik yillarida Lebap viloyatida ham transport sohasining moddiy-texnik bazasini mustahkamlash bo‘yicha qator yirik loyihalar amalga oshirildi. Velayatning transport imkoniyatlarini kengaytirish mintaqalararo va xalqaro transportni rivojlantirishga ijobiy ta'sir ko'rsatmoqda.
Turkmanobod va Kerki shaharlarida qurilgan xalqaro aeroportlar mintaqaning havo aloqasi sohasidagi imkoniyatlarini oshirdi. Qolaversa, Amudaryo orqali o‘tadigan zamonaviy temir yo‘l va avtomobil ko‘prigi transport vositalarining uzluksiz harakatlanishini ta’minlovchi muhim ob’yektlar sirasiga kiradi.
Ashxobod-Turkmanobod tezyurar avtomobil yo‘lining foydalanishga topshirilishi mamlakatimizning sharqiy va markaziy hududlari o‘rtasidagi transport kommunikatsiyalarining sifat jihatidan yangi darajasini shakllantirdi. Viloyat markazida yangi avtovokzal barpo etilib, zamonaviy avtobus va yengil avtomobillar foydalanishga topshirilgani yo‘lovchilar uchun yanada qulay sharoit yaratdi.
Ayni paytda viloyatda yo‘lovchilarning muntazam qatnovini ta’minlash, transport xizmatlari sifatini oshirish, yo‘l harakati xavfsizligini mustahkamlash borasidagi ishlar izchil davom ettirilmoqda.
Transport va yo‘l sohasida amalga oshirilayotgan loyihalar nafaqat aholining kundalik qatnovini osonlashtiribgina qolmay, balki Lebap viloyatining iqtisodiy, savdo va tranzit salohiyatini yanada rivojlantirish uchun sharoit yaratmoqda.
