Turkmanobod shahrining 7 yoshli yosh futbolchisi Begzat Izzatov Turkiyaning mashhur futbol klublaridan biri – “Fenerbaxche” tizimiga qo‘shildi. Bu yutuq yosh sportchining futbolchilik faoliyatidagi muhim qadamlaridan biri bo'ldi.
2019-yilda tug‘ilgan Begzat Izzatov 4 yoshidan futbol bilan muntazam shug‘ullanadi. Yosh bo‘lishiga qaramay, mashg‘ulotlar davomida o‘zining iqtidori, mehnatsevarligi va futbolga qiziqishini namoyon eta oldi.
Begzat Turkiyadagi Max Performans Akademiyasida tahsil olib, akademiyaning eng yosh sportchilaridan biri sifatida ajralib turdi. Uning futbol qobiliyati va mashg'ulotlardagi fidoyiligi mutaxassislar e'tiborini tortdi.
Yosh futbolchining faoliyatidagi birinchi muhim qadamlardan biri uning Turkiyaning "Rams Başakshehir" klubi tizimiga qo'shilishi bo'ldi. Endi Begzat Izzatov uchun yangi imkoniyat ochildi - u Fenerbahche tizimiga qo'shildi.
Turkmanistonlik yosh futbolchi uchun bor-yo'g'i 7 yoshida Turkiyaning mashhur futbol klublaridan birining tizimida mashg'ulot o'tkazish muhim tajriba hisoblanadi. Bu yo‘l Begzatga kelajakda futbol mahoratini oshirish, xalqaro miqyosda o‘zini ko‘rsatish imkonini berishi mumkin.
Turkmanobodda yosh iqtidor egalarining erishayotgan yutuqlari sport tadbirlari futbolga jalb etilgan bolalar va yoshlar uchun yangi imkoniyatlar ochayotganiga misol bo‘ldi.
