Lebap welaýatynyň «Lebap 1» topary 19 ýaşa çenli gyzlaryň arasynda 3×3 basketbol boýunça Türkmenistanyň birinjiligi ugrundaky ýaryşda üstünlikli çykyş edip, kümüş medala mynasyp boldy.
13-nji sentýabrda geçirilen ýaryşda Lebap welaýatyna «Lebap 1» we «Lebap 2» toparlary wekilçilik etdi.
«Lebap 1» topary ilkinji duşuşygynda Daşoguz welaýatynyň toparyny 16:7 hasabynda ýeňdi. Ýarym finalda lebaply basketbolçy gyzlar «Mary 2» topary bilen duşuşyp, çekeleşikli geçen oýunda 9:8 hasabynda üstün çykdylar.
Final duşuşygynda «Lebap 1» topary «Mary 1» bilen güýç synanyşdy. Duşuşyk 16:10 hasabynda Mary welaýatynyň toparynyň peýdasyna tamamlandy.
Şeýlelikde, «Lebap 1» topary Türkmenistanyň birinjiliginde ikinji orny eýeläp, kümüş medal gazandy.
