Özbegistanyň Samarkant şäherinde 28–31-nji oktýabr aralygynda geçirilen uniwersal söweş boýunça Aziýa çempionatynda Türkmenistanyň ýygyndy topary üstünlikli çykyş edip, jemi 26 medal gazandy. Şol medallaryň bäşisi Lebap welaýatynyň türgenleriniň paýyna düşdi.

12 döwletden 740-dan gowrak türgeniň gatnaşmagynda geçirilen yklym derejesindäki ýaryşda Lebap welaýatynyň Halaç etrabyndaky 26-njy orta mekdebiň okuwçylary aýratyn tapawutlandylar.

Şol mekdebiň 12-nji synp okuwçysy Süleýman Allaýew 74 kilogram agram derejesinde uniwersal söweşiň nusgawy we laýt görnüşleriniň ikisinde-de üstünlikli çykyş edip, iki altyn medala mynasyp boldy.

Mekdebiň 9-njy synp okuwçysy Ärsary Pirgulyýew bolsa 71 kilogram agram derejesinde nusgawy görnüş boýunça altyn, laýt görnüşinde bürünç medal gazandy.

Şeýlelikde, Lebap welaýatynyň ýaş türgenleri Aziýa çempionatynda jemi dört altyn we bir bürünç medal gazanyp, welaýatyň sport abraýyny belende göterdiler.