Üstümizdäki ýylda ýurdumyzyň üzümçi bagbanlary bol hasyl ýetişdirip, içerki bazarlaryň azyk bolçulygyny üpjün etmäge mynasyp goşant goşýarlar. Bu ugurda Lebap welaýatynyň Çärjew etrabynyň «Jeýhun» daýhan birleşiginiň kärendeçi-bagbanlary hem ýokary netijeleri gazandylar.

Daýhan birleşiginiň bagçylyga ýöriteleşdirilen kärendeçiler toparyna 62 gektardan gowrak bag meýdany berkidilip, bu ýerde 85 sany tejribeli bagban zähmet çekýär. Şol meýdanyň ýarysyna golaýyny üzümçilik tutýar.

«Garaşsyz, baky Bitarap Türkmenistan — bedew batly at-myradyň mekany» ýylynda «Jeýhun» daýhan birleşiginiň bagbanlary üzüm hasylyny üstünlikli ýygnap, ýokary önümçilik görkezijilerine ýetdiler.